Abstract:
Kaayyoo gooroon Qorannoo kanaa kan irratti xiyyeeffate, Fayyadama Afaanii Kuusaa Kitaaba Walaloo
“Eenyuma Amantaa?” Yaaxxina Fayyadamummaatiin qaaccessuudha.. Ogwalaloon irra caalaa
fayyadama afaanii adda ta‟een waan qophaa‟uuf, hubachuurratti barreessitoota, dubbiftootaafi
dhaggeeffattootatti ulfaachuu danda‟a jedhee waanan yaadeef, fayyadamni afaanii kuusaa walaloo
qorannoof filatamee, maal maal akka ta‟an xiinxaluurratti kan xiyyeeffadheedha. Saxaxni qorannichaa
immoo, qaaccessa hafee yeroo ta‟u, mala qorannoo akkamtaatti dhimma bahuun meeshaalee funaansa
ragaalee keessaa sakatta‟a barruu yookaan dookumentiitti dhimma bahe. Dabalataanis, mala
iddatteessuu miti carraa keessaa, iddatteessuu kaayyeffataatti dhimma bahuun fayyadama afaanii kuusaa
walaloo “Eenyuma Amantaa?” irratti qorannoo kiyya adeemsise. Haaluma kanaan, fayyadamni afaanii
kitaaba kuusaa walaloo kanaa keessatti argaman kanneen akka garee jechootaa jalaa jechoota hiika
faallaa qabanii, malleen dubbii, jechamootaa, mammaaksotaa, adda baafamuun, jechoota muraasaan
yaada bal‟aa dabarsuun isaanii xiinxalamee jira. Dabalataanis, fayyadama afaanii gargaaramuun
dhimmoonni akka siyaasaa, diinagdeefi hawaasummaa mul‟isan xiinxalamaniiru. Dhumarratti, yaada
walaloon dabarsuuf barbaadame keessatti, fayyadamni afaanii gahee olaanaa waan qabuuf,
barreessitoonniifi dubbistoonni fayyadama afaaniirratti osoo xiyyeeffatanii gaarummaa niqabaata.
Akkasumas, filannoo jechootaa, jechamootaa, mammaaksaafi dubbiiwwan qolaatti fayyadamuun akka
suuraan waan tokkoo hindagatamnetti sammuu namaa keessa kan kaa‟u ta‟uu hubatameera. Kanaafuu,
fayyadamni afaanii walaloo keessatti mul‟atan dandeettii dubbistootaa, dhaggeeffattootaafi
barreessitootaa cimsuu keessatti qooda olaanaa waan qabaniif, dhaggeeffataa, dubbisaafi barreessaa
kan jennummoo mana barumsaa keessaa waan madduuf, kitaaba barnootaa keessattillee galuun,
waa‟een fayyadama afaanii walaloofi hojii ogbarruu biroo keessatti mul‟atu baruufi barsiisuuf akka oolu
osoo godhamee murteessummaa niqabaata. Sababni isaas, fayyadamni afaanii ogwalaloo afaanichaa
guddisuu keessatti gahee olaanaa waan qabuu
