Abstract:
Qorannoon kun mataduree '' Xiinxala Dhiyaannaa Hiika Jechootaa Barnoota Afaan Oromoo
Kitaaba Barataa Kutaa 12ffaa keessatti '' jedhurratti xiyyeeffatee kan gaggeeffameedha.
Kaayyoon qorannoo kanaa dhiyaannaa hiika jechootaa baranoota Afaan Oromoo kitaaba
barataa kutaa 12ffaa bara 2005 maxxanfame xiinxaluudha. Galma ga'insa kaayyichaatiif
kitaabni barataa xiinxalamee jira. Iddattoolee kunneen irraa ragaa walitti qabuuf ammoo
meeshaalee funaansa ragaa sakatta'a dookumentii (harshammee) tti dhimma bahamee jira.
Haalli filannaa iddattoo mala carraanalaakan ta'ee mala dhimmataan filatame. Innis hiika
jechootaa barnoota Afaan Oromoo kutaa 12ffaati.Ragaan argame mala qorannoo akkamtaan
ibsamee jira.Dhihaannaa hiika jechootaa kitaaba kana keessaa boqonnaadhaa gara
boqonnaatti jiru fedhiifi sadarkaa barattootaaf xiyyeeffannoo kan hin kennamneefii ta'uu;
walsimannaa boqonnaa tokkoo gara itti aanuutti jirus bakki kennameef xiqqaa ta'uunfi hiika
jechootaa dhiyeessee barsiisuuf xiyyeeffannoon barbaachisu barachuu barattootaaf kan hin
kennamne ta'uu hubatamee jira. Kanarraa kan ka'e, dhiyaannaan qabiyyee hiika jechootaa
kitaabilee kanneen keessaa kan barattoota haala gaariin hirmaachisuun hiika jechootaa
dammaqinaan akka baratan kan taasisu miti. Kanaafuu, dhiyaannaan hiika jechootaa
barnoota Afaan Oromoo kitaaba barataa kutaa 12ffaa boqonnaalee keessatti qabiyyee hiika
jechootaa dhiyaatan kitaabilee kana keessatti cimsuun akka barbaachisufi kanneen kitaaba
barnoota Afaan Oromoo qopheessan xiyyeeffannoo guddaa kennuun gadii-olitti odeeffannoo
funaanuun hiika jechootaa qopheessuu akka qaban qorannookanaanaddabaheera.
